Kaso sa teenage pregnancy sa GenSan, nagkakunhod

DECREASING ang incidence rate sa teenage pregnancy sa GenSan, luyo nga usa ang syudad nga naka-contribute usab sa pagkadeklara sa region-12 isip ikatulo sa tibuok nasud sa mga rehiyon nga taas ang kaso sa teenage pregnancy.

Kini gibutyag ni Judith Janiola, city population officer nga tinuod ang report nga ang region-12 usa sa may taas nga kaso sa teenage pregnancy sa nasud tungod usab sa data nga gikan sa mga lugar sa rehiyon.

Sa kaso sa GenSan, ang teenage pregnancy incidence rate sukad 2017 anaa kini sa 53.3 percent, 54.4 percent usab sa 2018, sa 2019 anaa sa 14.7 percent ug 2020 may 1 percent slight decrease gikan sa previous year.

Sa maong problema sa sayong pagmabdos sa mga batan-on, ang mga ginikanan ang may dakong papel ug pagtinabangay sa mga ahensya sa gobyerno.

Matud ni Janiola ang ilang buhatan ug sa ubang ahensya sa gobyerno kanunay nga gatutok sa problema sa teenage pregnancy, labi na sa ilang panginahanglanon sa pagpamilya, ug sa pagtudlo sa mga kabatan-unan kalabot ang comprehensive sexuality education.