11 ka barangay sa probinsya sang Capiz ang may clustering sang kaso nga dengue, ang mga ini amo ang Barangay Poblacion Ilaya, Tanza Sur, Pili, Chiquito, Bato, kag Lomboy sa banwa sang Panay; Barangay Balucuan sa Dao; kag Barangay Bolo, Cagay, Dayao, Lanot sa Roxas City.
Samtang, nagdangat na sa 431 ang numero sang nabalhag nga kaso sang dengue sa probinsya sumogod Enero 1 tubtob Agosto 5, 2023 base sa provincial dengue case bulletin sang Capiz Provincial Health Office (PHO).
Mas manubo ini sang 8.30% kun ikumparar sa 470 nga kaso sa kapareho nga period sadtong tuig 2022, nagapanguna sa may pinakamaas nga kaso ang banwa sang Panay nga may 92, ginsundan sang Tapaz nga may 86 kag Roxas City nga may 89.
Pinaka apektado nga age group sa amo nga balatian nga may 28.77% ang naga-edad 10 tubtob 19-anyos.
Padayon naman ang panugyan sang PHO sa publiko, nga sundon ang pag-obserbar sang 4s strategies batuk sa balatian nga dengue; Search and destroy, Secure self-protection, Seek early consultation kag Say yes to fogging. | KMD Gicalde