Kaso sang Dengue sa Negros Occidental wala pa makalab ot sa ‘Epidemic threshold’ – Gov Lacson

May pagsaka nagalambot sa 421 porsyento ang kaso sang Dengue sa probinsya sang Negros Occidental kun ikumparar sa kasubong nga period sang nagligad nga tuig 2021.

Ginpanugyan ni Governor Eugenio Jose Lacson sa mga pumuluyong Negrense nga mangin mabinantayon kag mangin matinlo sa palibot agud sa sina malikawan ang pagdamo sang lamok nga mahimo tunaan sang pagsaka sang kaso sang dengue sa probinsya.

Ginpaalinton sang Gobernador wala pa man siya nakabaton sang anuman nga “aviso” halin sa Provincial Health Office kun bala ang probinsya yara sa ginatawag nga ‘epidemic threshold’ ukon yara sa kritikal ang kadamu-on sang mga pumuluyo nga naapektuhan sang dengue.

Base sa updates sang Department of Health Western Visayas Center for Health Development – Regional Epidemiology and Surveillance Unit (RESU) napetsahan Hunyo 6, 2022, sa gihapon ang Negros Occidental amo ang may pinakamataas nga numero sang mga bag-o nareport nga kaso sang dengue nagalambot sa 105 kaso ginasundan sang probinsya sang Antique kag probinsya sang Iloilo. via| Nimrod Zabala

Leave a Reply

Your email address will not be published. Required fields are marked *