KASO SANG ‘LAMBDA VARIANT’ SA NEGROS OCC. INDI PA PAT-OD SUNO KAY ATTY. DIAZ

Ginpadala sadtong nagliggad nga Agosto 3, 2021 ang swab sample padulong sa UP-Philippine Genome Center ang swab sample sang iloy gin-aligar nakita-an sang ‘Lambda variant’ sang Covid-19 diri sa Negros Occidental para sa genome sequencing.

Ginpahayag ni Atty. Rayfrando Diaz II ang provincial administrator sang Negros Occidental Agosto 15, domingo nagguwa ang resulta kun sa diin gin-aligar ini siya ang may ‘lambda variant’ kag kahapon Agosto 16 ini siya ang liwat ginpaidalom sa swab test.

Ginbun-ag sang nasambit nga pasyante ang iya ginabusong nga lapsag sadtong nagligad nga Hulyo 22, 2021 sa Corazon Locsin Montelibano Memorial Regional HospitaL. Sandig kay Diaz, indi pa makabig nga pat-od nga ‘lambda variant’ ang nag-igo sa amo nga iloy rason kun nga-a gina-usisa gid sang tul-id sa karon sang PHO kag sang DOH ang nasambit nga kaso kun sa diin sa nahibaluan mas makalalaton ang ‘Lambda’ kun ikumparar sa ‘Delta’ nga sarang makabato batok sa Covid-19 vaccine.