Hingpit nang gawasnon si Dr. Maria Natividad Silva Castro human nga nag desisyon ang korte nga ibasura ang kasong gipasapaka batok kaniya nga dunay kalabotan sa Kidnapping and Serious Illegal Detention.
Sumala pa sa abogada niini nga ang kawad-on sa due process ang hinungdan sa dismissal sa kaso batok sa maong doktora. Base sa igsuon niini nga nakabalik na matud pa ang doktora sa Manila human sa kapin usa ka bulan nga pagka priso niini dinhi sa Probinsya sa Agusan del Sur.
Angayan masayran nga gi-alegahang nalambigit sa pagdagit sa mga CAFGU sa Tubigon, Sibagat, Agusan del Sur ang maong doktor pipila ka tuig na ang nakalabay.
Mahinumdumang gidakop si Dr. Natividad sa hiniusang operasyon sa PNP ug Philippine Army niadtong Pebrero 18, 2022 sa 08 N. Domingo Street, San Perfecto, San Juan City sa kaso nga Kidnapping and Serious Illegal Detention, pinaagi sa warrant of arrest nga gi pagawas sa Regional Trial Court, 10th Judicial Region, Branch 7 sa Bayugan City, Agusan del Sur, ilawom sa Criminal Case Number 6527.
-END-
