Nag naba eon ru kaso it COVID-19 sa Municipalidad it Malay particular sa isla’t Boracay kahapon, May 8, 2021.
Sa datos it LGU-Malay, naga pakita nga may kabilugan nga 50 kaso it deadly virus; 312 ru total confirmed case matapos madugangan it 2.
Naga-abot man sa 260 ru total recoveries matapos madugangan it 4.
Daywa (2) sa gihapon ru namatay sa deadly virus.
Padayon gihapon ru pag padumdom sa mga pumueoyo sa nasambit nga municipalidad nga indi magpakampate apisar nga nag naba eon ru kaso’t COVID-19 sa isla dahil naga padayon gihapon ru pagtinaas it COVID-19 cases sa probinsya’t Aklan.//MARIVIC Y. ILIN