GIKABALAKA sa kasundalohan ang bag-ong paagi sa gituohang sakop sa New Peopleโs Army (NPA) sa ilang recruitment.
Kini ang pamahayag ni Lt. Col John Paul Baldomar, battalion commander sa 37th Infantry Battalion (IB), Philippine Army. Human nila na-rescue ang usa ka 16-anyos nga babaeng estudyante sa Sultan Kudarat.
Matud ni Baldomar, gisaysay kanila ni alyas Lyn- lyn nga ilang naluwas nga gipasaka sila sa bukid aron mag perform og cultural dance. Apan sila ang wala na gipakanaog sa gikaengon niining lider sa NPA hangtud sila ang naindoktrinahan ug gipagunit na og armas.
Gisuta karon sa kasundalohan kung pila na ka mga batan-on ang napasulod sa NPA sa ilang grupo nga una nang mipaak sa gikaengong tam-is nga pulong. Gikaengon nga si Rowe Libot alyas Wifi ang nag-recruit sa mga kabatan-on ug ang nasangpit ang napatay atol sa operasyon.
Samtang, gihimakak ni Baldomar nga namatay pinaagi sa summary execution si Libot nga una nang misurender sa gobyerno apan mibalik sa kalihokan.
Una nang, gibutyag ni Ka Gary Angles, tigpamaba sa Far South Mindanao Region (FSMR) nga namatay pinaagi sa summary execution si Libot tungod walay nahitabong engkwentro tali sa kasundalohan. I Richel Gubalani