Kasundalohan padayon ang paggukod sa ‘remnant’ sa NPA

HAGIT karon sa kasundalohan kung paunsa i-mintina ang insurgency- free status sa pipila ka lugar nga ginsakopan. Aron dili subling ma-impuwensiyahan sa posibleng nabiling miyembro sa Communist Party of the Philippines- New People’s Army (CPP-NPA).

Kini ang rason sa pagtutok sa kasundalohan sa gitawag nga community- based peace- building programs. Dungan sa pagsaka sa ihap sa mga gituohang sakop sa cpp-npa nga mibalik sa sabakan sa gobyerno. Matud ni Col. Patricio Amata, labaw sa 1002nd Infantry Brigade (IB),Philippine Army sa pagmintina sa kalinaw.

Kinahanglan matubag ang problema sa komunidad pinaagi sa pagtinabangay sa tanang sektor. Dugang ni amata, angayang mahatagan og tabang sa gobyerno ang usa ka komunidad aron masaka ang lebel sa pangabuhi.

Nakig-alayon sila nagkadaiyang ahensiya sa gobyerno gamit ang mekanismo sa gimugna nga task force to end local communist armed conflict (ELCAC) Kasamtangan dunay pipila ka guerilla front nga naglisod na sa pagbangon human sa daghang misurender.

Padayon ang paggukod usab sa kasundalohan sa mga ‘remnant’ o nagpabiling miyembro sa grupo. Sakop sa 1002nd ib sub-regional committee 5, Southern Mindanao Regional Command (SMRC) ang armed wing CPP sa Southern part sa probinsiya sa Bukidnon. I Richel Gubalani