Kasundaluhan padayong gilakag ang nahibiling rebelde sa Davao Oriental

Gibutyag ni 10th Infantry Division Philippine Army spokesperson Major Jerry Lamosao nga nagapdayon gihapon hangtud ning mga orasa ang paglakag sa nahibiling aktibong sakop sa rebeldeng New People’s Army kon NPA sa probinsya sa Davao Oriental.

Atol sa press conference kagahapong adlawa, giangkon niini nga anaa sa 30 ka mga sakop sa communist rebels ang nag-operate sa Davao Oriental human mitahan ang 10 ka mga rebelde ilawom sa Weakened Guerilla 18 (WGF 18) Sub-Regional Command 3 sa Southern Mindanao Regional Committee sa NPA.

Gikanayon usab sa opisyal nga mas padayon ang pag-awhag sa ilang hut-ong ngadto sa nahibiling rebelde nga undangon na ang walay kapuslanan nga pakiggubat sa gobyerno sanglit sa bisan asang aspeto malupig sila.

Sa pikas bahin, nanawagan usab tigpamaba sa katawhan sa Davao Oriental ga i-report sa mga awtoridad kung adunay mga samarong NPA nga mosulod sa ilang mga lugar aron matambalan kini.

Kini human sa strafing incident sa mga sakop sa New People’s Army (NPA) sa mga sundalo sa Barangay Badas, Mati City, Davao Oriental sa niaging Domingo.

Samtang stable na sab ang kondisyon sa nasamdang sundalo nga si Private Melendrez, sakop sa 66th Infantry Battalion kinsa gidala sa Davao Oriental Provincial Medical Center.BNFM-DAVAO