Matagumpay na naisagawa nitong Huwebes ang pagpirma ng Memorandum of Agreement o MOA sa pagitan ng lokal na pamahalaan ng Brookes Point at tatlong pribadong ospital sa bayan ng Brooke’s Point.
Layunin nito na mas palakasin pa umano ang serbisyo publiko ng pamahalaang lokal sa pamamagitan ng Municipal Social Welfare and Development Office o MSWDO na naglalayong makapagbigay tulong sa mga katutubo at mahihirap na miyembro ng komunidad.
Ang kasunduan sa pagitan ng LGU at mga pribadong hospital ay kinabibilangan ng Leoncio General Hospital, Berachah Hospital at Sagrado General Hospital.
Samantala, inaasahang tatagal hanggang June 2025 ang kasunduan sa tatlong ospital bilang service provider sa mga kwalipikadong benepisyaryo ng MSWDO.