Katawhan giimbita sa mga aktibidad ug pasundayag sa 34th  Kalilangan

GINAAWHAG karon sa LGU GenSan ang publiko nga saksihan ang daghang mga aktibidad ug mga events nga giandam alang sa kasaulogan sa 34th Kalilangan Festival nga pormal nga sugdan ning adlawa, Pebrero 23.

Sa petsa 24 sa Pebrero, madunggan ang soulful music sa “Limuel Llanes” in Concert sa alas 8:00PM sa London Beach Resort.

Samtang lab-ason ang mga kagahapon sa maanindot nga musika pinaagi  sa Retro Blast 2 sa Pebrero 24 sa 4:00PM sa SM Atrium.

Aron usab makakat-on ug masayod sa kultura ug arts sa mga kaigsuonang lumad, anaay Kalilangan Culture & Arts Summit nga gisugdan Pebrero 22 hangtud 27 sa AVR MSU CETD Campus.

Samtang nangimbita usab sa mga boxing fans ang LGP Invitational Boxing Tournament nga mahitabo sa Oval Plaza Covered Court sa Pebrero 23 hangtud 24.

Sa mahiligon sa sayaw, anaay Urban Dance Jamm sa Pebrero 24 sa alas 3:00PM sa Veranza Mall Atrium.

Sa gusto usab og dagan sa dalan, anaay Lion’s Run 6 nga ipahigayon sa Pebrero 26 sa alas 4:30AM sa Oval Plaza.

Photo by Pitik Mamang

Leave a Reply

Your email address will not be published. Required fields are marked *