HALOS managsama ang mga reaksyon sa pipila ka katawhan sa GenSan ug mga netizens nga sila nadismaya ug nasubo kay wala makalusot bisan sa top 10 ang pambato sa Pilipinas sa Miss Universe nga si Rabiya Mateo.
Segun ni Ms. Jennie, maayo man ang performance ni Mateo, tungod utukan usab kini ug natingala nganong wala makasulod sa top 10.
Bisan niini nalipay siya ug garbo na usab alang sa mga katawhan kay nakasulod kini sa top 21.
Gani human nga wala makasulod sa top 10 si Mateo, wala na kini mipadayun sa pagtan-aw tungod nagsakit lang ang iyang buot.
Sama usab sa netizen nga si Marvin nga nagkanayun nga gisakitan sa pagkapildi ni Mateo, apan bisan niini, daog gihapon kini sa dughan sa mga Pilipino.
Gani gidugang niini nga dili kinahanglan ang korona aron mahimong rayna tungod sa kaugalingon niini, siya ang rayna na bag-o pa nakigtigi sa 73 pa ka mga kandidata sa tibuok kalibutan kinsa si Miss Mexico ang gikoronahan.
Nasayran nga halos tanang katawhan sa GenSan ug sa nasud ang nag-apong sa prestihiyosong beauty pageant.
Si Rabiya ang taga Iloilo City, usa ka magtutudlo ug suportado sa mga magtutudlo usab sa GenSan.