LEGAZPI CITY – Pigkuwestyon kan Sangguniang Panlalawigan kan Albay an kawaran nin Memorandum of Agreement (MOA) sa rehabilitasyon kan Peñaranda Park.sa pagultanan kan gobyerno probinsyal asin Department of Public Works and Highways (DPWH).
Ini an nagin reaksyon ni Board Member Melissa Abadeza matapos sabihon ni Provincial Planning and Development Office Acting PPDO Coordinator Engr. Arnold Onrubia na dae man ini kaipuhan sa siring na proyekto mantang nagtutubod sya sa trabaho kan DWPH kaya dae na ki dapat na mangyaring pirirmahan,
Naglatag si Abadeza ki halimbawang proyekto kan lokal na gobyerno kan Legazpi asin DWPH kan siya an konsehal pa sa syudad kun sain kinaipuhan man giraray nin MOA sa mag-inibong na lado kaya dae nya masiyerto kun ano an legal na basehan kan sinabi ni PPDO Coordinator.
Mientrastanto, nanindugan si Onrubia na dagos-dagos an proyekto asin wara nang dapat pag-adalan dawa na dae nya pa man naheheling an gabos na detalyes kaini.