KILALANIN: 100 y/o, world’s oldest power lifter ng Guinness

FLORIDA—Kalabaw lang ang tumatanda. Ito ang pinatunayan ng isang lola sa Florida, USA matapos siyang kilalanin bilang world’s oldest competitive power lifter ng Guinness Book of World Records.

Kayang kaya pa kasi ng 100 taong gulang na si Edith Murway-Traina na magbuhat ng barbell, sumayaw at gumawa ng iba’t-ibang physical activities.

Sa Linggo, August 8 ay eksaktong 100 taong gulang na si Murway-Traina.

Taong 2019 nang huli siyang sumabak sa power lifting sa edad na 98 years and 94 days old daan para siya ay kilalanin ng Guinness.

Posibleng mabasag pa nito ang kanyang sariling record dahil nakatakda siya muling sumabak sa lifting competition sa Nobyembre.

Sa kanyang mga naging kumpetisyon ay umaabot sa 40-150 pounds ang kanyang binubuhat dahilan para mag-uwi siya ng maraming mga tropeyo na halos hindi na magkasya sa mga silid sa kanyang bahay.

Bago nagkainteres sa lifting ay matagal na naging dance instructor si

Murway-Traina hanggang sa nayaya siya ng kanyang kaibigan sa gym noong siya ay 91 taong gulang. Dito na nagsimula ang kanyang interes sa power lifting.

Patunay si Murway-Traina na walang edad sa mga taong may nais gawin at nais pang marating sa buhay. || Shiela Madrigalejos

Leave a Reply

Your email address will not be published. Required fields are marked *