Kim Kardashian, Mayweather kinasuhan dahil sa pagpromote sa crypto token

Nahaharap sa kaso ang reality TV star na si Kim Kardashian at boxing legend Floyd Mayweather Jr. dahil nililito umano ng mga ito ang mga investors sa kanilang promotion ng cryptocurrency token.

Ang kaso na inihain noong Jan. 7 sa Los Angeles federal court, ay nag-gigiit na ang naturang mga celebrities nagpo-promote ng tokens na ibenebenta ng EthereumMax, o EMAX, upang mapalakas ang kanilang presyo at kumita sa pamamagitan ng kanilang mga followers at investors.

Nakasaad sa lawsuit na ang executives ng kompaniya, sa pakikipag-collaborate sa ilang celebrity promoters ay gumawa ng false o misleading statements hinggil sa EthereumMax sa pamamagitan ng social media advertisements at iba pang promotional activities.

Batay pa dito, nagpromote si Kardashian ng EthereumMax noong June 2021 na ipinost sa kanyang Instagram, nung siya ay mayroong 250 million followers, habang si Mayweather naman ay nagpromote umano nito sa kanyang boxing trunks sa isang widely viewed fight laban kay YouTube star Logan Paul noong Hunyo.

Leave a Reply

Your email address will not be published. Required fields are marked *