Knott bigong makausad sa semis ng women’s 200m event sa Tokyo Olympics

Hindi pinalad si Filipino-American sprinter Kristina Knott na maka-abanse sa semi-finals ng women’s 200m event sa Tokyo Olympics.

Nagtala si Knott ng 23.80 seconds kung saan nagtapos ito ng panghuli sa Heat 7 ng paligsahan.

Pasok naman mula sa bracket ng Pilipinas ay pambato ng America, Gambia at Australia matapos makuha ang top 3 spots.

Nabatid na si Knott ay may personal record na 23.01 na siya ring national record na naitala niya noong 2019 Southeast Asian Games.

Mamayang hapon naman, inaabangan ang pagsabak ni Carlos Yulo para sa Artistic Gymnastics Men’s Vault finals.

Leave a Reply

Your email address will not be published. Required fields are marked *