Kolektor sa basura nagside-line og droga, paslak sa prisohan

Himas rihas ang usa ka kolector sa basura human nasakpang namaligya og droga sa gipahigayong buy-bust operation sa Station Drug Enforcement Team (SDET) sa Mandug Police Station didto sa Del Pilar Street, Brgy. Agdao, Davao City, kagahapong adlawa pasado alas 12:00 sa kaadlawun.

Giila sa kapolisan ang suspek nga si LOUIE GULONG ALIVIADO alyas “KOSA”, 32-anyos garbage collector ug residente sa Purok Sta. Cruz, Brgy Leon Garcia sa nasangpit nga distrito ning dakbayan.

Dakpan kini human napalitan og usa ka pakete sa gituuhang shabu samtang sa kinatibuk-an mokabat sa tulo ka pakete sa shabu ang nasakmit kaniya, usa ka unit sa cellphone, usa ka bisikleta ug salapi nga gigamit sa transaksyon.

Gibana-banang mokantidad og P4,500 ang nasakmit nga droga nga dunay gibug-aton .3500 gramos.Kasong pagsupak sa RA 9165 kon Comprehensive Dangerous Drugs Act of 2002 ang atubangon sa suspek.