NAGTAGBO na sa pipila ka higayon ang mga miyembro sa Motorized Tricycle Franchising and Regulatory Board kun MTFRB aron hisgotan ang mga agenda kalabot sa transportasyon sa General Santos City ug adunay mga sogyot ang representante gikan sa tricycle federation.
Sa paghinabi sa 89.5 Brigada News FM Gensan kay Federation Vice President ug Chairperson sa pula nga cluster nga si Joshue Fernandez ang usa sa unod sa Ordinance number 37 kun Transportation and Traffic Code mao ang pag-ilis sa kolor sa mga tricycle gikan sa kolor blue ngadto na sa kolor pula, puti ug apple green.
Ang pula nga cluster gikan sa Barangay Bawing padulong sa Barangay Sinawal, ang puti nga cluster gikan sa City Heights padulong sa Barangay Upper Labay samtang ang apple green gikan sa Barangay Bula padulong sa Buayan ug Batomelong.
Gidugang ni Fernadez nga nagsugyot sila nga ayha pa ipatuman ang pag- ilis sa kolor sa tricycle mag-release una og frankisa gumikan kulang ang tricycle nga nagapamasada matag barangay kay dili paigo ang unom ka libo nga tricycle samtang 10 mil ka tricycle ang kinahanglan aron may kasakyan ang mga pasahero.
Apan wala pay klaro kon mapatuman gayod sa syudad ang pag-ilis sa kolor gumikan adunay laing plano ang ubang miyembro sa MTFRB. ( Ever Diazon)