Konsehal Dominador Lagare Jr. gapaabot kon may mag petition nga paubsan ang pletihan sa tricycle

NAGA AGAD ang labaw sa komitiba sa Transportasyon sa mga lideres sa mga transport groups sa syudad kon may mag petisyon aron paubsan ang kasamtangan nga pletihan sa syudad.

Sa paghinabi sa Brigada Gensan kay Konsehal Dominador lagare Jr. gisulti niini nga para sa iyaha layo pa sa tinuod ang kasamtangan nga presyo sa gasolina kon ikumpara sa una,sa iyang bahin kumporme pa kini sa P18.00 nga minimum fare sa tricycle.

Gidugang ni Lagare nga usa sa rekositos sa subay sa balaud kinahanglan adunay magduso og petition alang sa kunhod o sa pagpausbaw sa pletihan, apan kon ang mga pasahero ug mga driver na ang nagasulti nga uyon sila sa sugyot mamahimo daw nga iyang pa amendahan ang naunang ordinansa sa peltihan sa tricycle.

Sa bahin sa usaka tricycle driver nga si Orlan Yuson gikan sa Barangay San Isidro uyon usab siya nga kunhoran ang pamasahe gikan sa P18.00 ngadto sa P15.00.

Kahibaluan nga sa fare matrix nga dili palang dugay nga gipatuman sa tulo ka cluster nanukad na sa P18.00 ug P2.00 sa succeeding kilometer apan dili tanan ang nagpatuman gumikan sa kompetisyon sa electric jeepney nga nagasingil og P12.00 sa unang upat ka kilometros. I Ver Diazon

Leave a Reply

Your email address will not be published. Required fields are marked *