IDUSO sa mga konsehal sa gensan ang paghimo nga full pledge GenSan City Police Office (GSCPO) police city director ni Col. Nicomedes Olaivar Jr., human sa usa ka bulan niining pagpangatungdanan.
Nabati sa mga konsehal ug residente sa gensan ang kahapsay ug kalinaw sukad sa paglingkod ni Olaivar Jr., isip labaw.Samtang gitawag usab ni Konsehal Kan Balleque si Olaivar Jr., nga siβ Mr. Sweep Justiceβ dungan sa pagresolba sa daghang insidente sa kamatay ug pagpanulis sa gensan. Kini ang rason sa pagduso karon sa konseho pinaagi ni Konsehal Richard Atendido ug resolusyon nga maghangayo sa mayor nga himoon nang full pledge city police director ang opisyal gikan sa pagka- office incharge.
Nagpasalamat usab ang opisyal sa gihimong rekomendasyon sa mga konsehal human napakita niini ang iyang performance. Sa presentasyon niini, atubangan sa mga konsehal, gikan sa 40 ka insidente sa pagpamusil gikan Enero hangtud paglingkod niya, 23 niini ang naresolba, 12 ang atlarge ang suspek samtang upat ang padayong giimbestigasyon.
Mokabat usab sa 51 wanted person ang nasikop samtang P1 milyon gidiling droga ang nakumpiska sulod sa iyang paglingkod. Wala usab natala nga insidente atol sa selebrasyon sa Tuna Festival nga gidagsa sa 200,000 ka mga tawo atol sa kulminasyon. Β I Richel Gubalani