GIDUSO na karon sa Sangguniang Panlungsod (SP) sa GenSan ang ordinansa tumong makahatag og tabang sa mga gagmay nga mananagat o katong naa sa empleyado sa commercial fishing vessels.
Nagtuo ang konsehal nga panahon na aron dunay buhatan sa lokal nga panggamhanan nga moatiman sa mga mananagat sa siyudad.
Angayang pakusgon sa lgu- gensan ang lihok aron protektahan ang mga mananagat ug ilang pamilya.
Human nahitabo ang pagkamatay ug pagka-missing sa pipila ka mananagat sa bagangga human nalunod ang gisakyang bangkang panagatan, butyag ni Konsehal Froebelle Kan Balleque.
Sa bahin ni Herbert Demos,opisyal sa Alliance for Progressive Labor (APL-SENTRO) grupong nagduso sa proteksyon sa mga naa sa fishing sector.
Ang gisugyot nga balaudnon ang dugay na nilang gipaabot ug kanunay nga hangyo sa matag tuig nga National Tuna congress sa GenSan.
Apan kini ang wala sumala pa gipaminaw sa mga bigtime tuna players sa siyudad nga nagdumala sa congress.
Sa datus usab sa maong grupo naa sa 100,000 ka mananagat lakip ang naa sa commercial fishing nga naa siyudad.
Samtang, gipanawagan usab ang hugot nga pagpatuman sa giisyu sa DOLE nga Department Order no. 156 o “rules and regulations governing the working and living conditions of fishers on board fishing vessels engaged in commercial fishing operation,”. Richel Gubalani