Travel expenses sa kagawad, gikwestyon sa kapitan

Nagpagawas og sentimento ang pipila ka mga barangay kagawad sa barangay Dadiangas North gensa kabahin matud pa sa mga alegasyon nga may anumaliya sa pagpagawas og badget sa barangay kabahin sa mga nahimong gastos o travel expenses sa punong barangay nga si kapitan reniel gonato kauban ang uban pang opsyal sa barangay.

Kwestyonable kahibulungan matud pa alang kay Kagawad Rodolfo Pascual ang nag hupot sa committee on appropriation ang pagpagawas sa bdget o cash advance alang sa Barangay councillors league of the Philippines nga gipatigayon sa baguio city mahitungod sa kakulangon matud pa sa pirma sa mga dokumento ug tataw nga wala maaprobaha sa sa kapin P44,200 nga pondo.

Gitubag usab ni kapitan gonato ang tanang mga alegasyon batok kaniya og gihingusgan nga wala kini nahimong anomaliya sa pagpaapruba og pagpagawas sa pondo. kahibulungan matud pa alang kaniya ang pag balibad nilang pascual sa pag pirma pagapruba sa maong badget. Gipaklaro niini nga kung magdumili mupirma ang nasampit nga konsehal pwede matud pa silang magsumite og sulat ngadto sa coa o sa badget office aron mukuha og pagtugod sa pagpagawas og pondo. 

Si Kagawad Grace Alfanta usa sa ang nagkanayon nga  nakadawat sya og memorandum gikan kay kapitan nga usa siya sa mga napili aron mutuambong sa BCLP sa Baguio City.

Samtang gi-angkon sa Barangay Treasurer sa maong Barangay nga gipugos lamang matud pa siya sa naasoyng konsehal nga ipakita ug ipagawas ang kompidensyal nga disbursment voucher. gisultihan na matud pa niini si pascual nga mupirma aron ma aprubahan ang pondo apan hugtanon kining ngadumili rason nga gihimo nila ang augmentation aron masuplayan ang kakulangon sa pondo.

Tungod niini plano matud pa magsumite og request for investigation sa sanggunian silang kagawad Pascual partikular na sa blue ribbon alang sa himuong imbestigasyon kalabot sa alegasyong anumaliya kalabot niini.