Nagreklamo sa Kalibo MPS ro sangka babaye matapos segun nga takawan ro restaurant nga anang ginaubrahan sa may Brgy. Estancia, Kalibo, Aklan.
Sa report, ginkilaea ro complainant nga si Arlene Gumban, 26yo ag residente it Brgy. Venturanza, Banga.
Suno kana, kat nag abot imaw sa restaurant nga anang naubrahan kainang agahun, nadiskubre nana nga samad ro andang cash box ag naduea eon ro sueod kara nga P300 ag P400 man sa tip box ag ro yabi it anang motorsiklo.
Kat tan awon sa cctv hay nakita ro sangka eaeaki nga nagsueod sa restaurant bandang alas 3:10 it kaaganhun nga nakasuksok it jacket ag facemask ag sinamad ro cash box. Nagbuoe man it daywa ka bote nga softdrinks ro suspek bago raya naghalin sa nasambit nga establisyemento. // ANN DESLENE SALAZAR