NAGAPANAWAGAN ang labaw sa Bula Police Station sa mga tricycle drivers nga nalambigit sa road rage nga mopatim-aw sa ilang estasyon samtang wala pay kaso nga napasaka batok kanila.
Sa paghinabi sa Brigada News Team kay Police Captain Ari Noel Cardos gisulti niini nga nakatala na kanila ang reklamo ni Ameruden Linog human sa hitabo, aduna na sila kopya sa Medical Examination niini ug anaa na usab silay kopya sa tanang video sa mga bystanders ug klaro ang dagway sa mga driver.
Gipaklaro ni Cardos nga sa mga aksidente sa dalan ilaha nga ginahatagan ug higayon ang mga partido nga magkahusay aron mahuman ang problema apan sa karon nga adunay physical injury mamahimo sila nga makapasaka og kaso pinasikad sa rerklamo pinaagi sa regular filing kay wala na ang mga driver sa dihang ilang gi adtuan ang crime scene.
Gumikan niini gina panawagan ni Cardos ang mga driver nga sumala pa nagpuyo sa Cabe Subdivision nga moadto na sa police station aron ilaha usab ma balansi ang estorya kay nakita usab sa video nga adunay gunit nga kutsilyo ang biktima. I Ver Diazon