Labaw sa City Housing nanawagan, sayo mo adto sa mga sementeryo aron dili malangay sa trapiko

NAGAPANAWAGAN na ang labaw sa City Housing and Land Management Office kon CHLMO sa mga katawhan nga adunay lubong nga besitahon sa Antonio C Acharon Memorial Park kon ACAMP nga mamahimo nga magsayo sa pagduaw.

Sa paghinabi sa Brigada Gensan kay Mary Ann Tan, ginapanawagan niini ang taga General Santos  City ug sikbit lugar nga kon may plano sa pagduaw sa Kalag-kalag mas maayo kon magsayo aron malikayan ang bagang duot sa trapiko.

Gidugang ni Tan nga sa karon abli ang ACAMP sa mga moduaw og sayo, mag sul-ob lang og facemask.

Ang sayo nga pag adto sa mga sementaryo mamahimo matud pa kini sa bisan asa nga sementeryo sa syudad kay luwas sa trapiko unya dili usab matagna ang dagan sa panahon nga sagad mo init sa buntag unya kalit mo bundak ang ulan sa hapon o sa gabei.

Luwas sa Fatima aduna usab mga pampubliko nga sementeyo ang Barangay San Jose, Tinagacan, Conel, Bawing ug Barangay Mabuhay.

Gihimo ni Tan ang panawagan gumikan sa pagkakaron wala nay tamdon nga polisiya nga maggikan sa National Interagency Task Force kay niubos na ang alert level ug ginalauman na ang pagdasok sa mga katawhan atol sa Kalag-kalag. I Ver Diazon

Leave a Reply

Your email address will not be published. Required fields are marked *