LEGAZPI CITY – Nagpapadagos ngunyan an pag-oorolay kan manlaen-laen na ahensya de gobyerno para sa pagpipreparar sa maabot na kapyestahan ni Nuestra Señora de Peñafrancia sa syudad nin Naga sa bulan kan Setyembre.
Sa intrevista kan Brigada News FM Legazpi kay Department of Tourism (DOT) Bicol Regional Director Herbie Aguas, sinabi kaini na sa masunod na bulan, pinaglalaoman na labi 1M na mga deboto asin turista an maabot sa para sa nasambit na selebrasyon.
Segun pa kay Aguas, bako sana an mga hotel sa syudad an pwedesir nindang dagusan o istaran kundi maski an mga kataraid na lugar siring kan Pili, Iriga City, Calabanga asin iba pa sa laog kan probinsya kan Camarines Sur.
Dai na kaya su boot kakayanon kan mga hotels sa Naga an pag-akomodar sa mga deboto asin turista huli ta dakol maarabutan.
Apwera kaini, harayo pa an pyesta, may mga amay nang nagpapareserba sa mga hotels huli ta dakula an posibilidad na mapano an mga ini.
Pigsyerto man ni Aguas na maray maray man an pag-aakomodar kan mga resorts and hotels asin magigin convenient an mga ini.