LEGAZPI CITY – Pigkumpirmar kan Albay Electric Cooperative (ALECO) na labi PHP11M an nahahabon na kantidad nin kuryente sa saindang kooperatiba.
An naunambitang kantidad iyo so buot an nasasayang asin nahahabon sainda huli sa mga ilegal na aktibidad sa kuryente kan nagkapira sa probinsya.
Segun kay ALECO Member Services Division Chief Candy Apostol, padagos an apprehension na pigsasagibo ngunyan kan kooperatiba kaibahan an bilog na task force hale sa Bicol Electric Cooperative Association.
Nagsasalida man su boot an grupo ki mga depektibong metros.
Pigsabi pa ni Apostol, nagatabang naman sa task force group an manlaen-laen na mga kooperatiba hale siring kan SORECO, CASURECO, CANORECO asin an 3 man na in-house team hale sa ALECO.
Sa nakalihis na mga aldaw, nakapagrehistro na an kooperatiba sa District 3 ki 51 accounts na nadakop na igwa ki labi P5M na kantidad ki kuryenteng nahahabon huli sa illegal connection; 38 mga account man an nadakop sa District 2 na igwa ki labi P3M asin an District 1 na igwang 21 accounts na nagkakatidad ki labi P3M na illegal connection.