Pormal na nga ginbuksan ang Tapaz Renal Center nga nahamtang sa Rural Health Unit (RHU) Annex Building, Barangay Salong, Tapaz, Capiz.
Mahibaluan nga ini ang labing una nga Hemodialyis Center sa Segundo Distrito sang probinsya nga kun sa diin tinutuyo nga maghatag sang serbisyo sa mga pumuluyo sa banwa sang Tapaz kag mga kaiping nga kabanwahanan, subong man sa mga ka-probinsyahanan sang Aklan, Antique kag Iloilo nga nagapaidalum sa dialysis treatment.
Nagpaabot sang pagpanginbulahan si Tapaz Mayor Roberto ‘Nonong’ Palomar matapos gintambungan ang nasambit nga aktibidad. Yara man ang presensya nanday SB Member Bob Gardose, Dr. Chad Bryan Hilado-Municipal Health Officer, Dr. Mischelle Tanteo, MD-Physician on duty, mga personnel sang Tapaz Renal Center, Nurse III Jeanebeb San Felix, Nurse II Pamela Ann Abia kag Mr. Stephen Faeldin, Information Officer Designate.