Patay ang usa ka laborer human nga misukol sa gikasang drug buy bust operation sa San Pedro Police Station diha sa Purok 7, Barangay 37-D, ning syudad alas-7:21 Dominggo sa gabii, Hulyo 16, 2023.
Naaktuhan ang suspek nga nailang si Arnel Je Alabata alyas Kitong, 32 anyos, minyo ug residente sa Purok 2, Brgy., 76-A nga namaligya og gituohang shabu sa dihang mitunol kini sa nagpaka aron ingnon nga poseur buyer.
Apan sa dihang nakamatikod kini nga pulis diay ang iyang gikataransaksyon mibunlot kini sa iyang .38 caliber revolver ug nagpabuto sa mga otoridad hinungdan nga mibalos ang mga pulis nga maoy hinungdan sa iyang kamatayon.
Nakuha sa posisyon sa dinakpan ang nagkadaiyang gidak-on sa pakete sa gituohang shabu nga mutimbang sa kapin kon kulang 12 gramos nga dunay street market value nga PhP192,000.00.BNFM-Davao