Laing beneficiary sa bag-ong wheelchair sa KaBrigadahan GenSan, nagpasalamat

MALIPAYONG gidawat sa pamilya Bolivar ang bag-ong wheelchair gikan sa KaBrigadahan Gensan nga gi-turnover miaging adlawa.

“Salamat kaayo kay naka-apil mi sa KaBrigadahan. Salamat sa tanang nagtabang,” butyag  ni Michael Dave Bolivar, 20-anyos nga taga Purok San Roque, Brgy. Labangal.

Si Michael kay usa ka Person With Disability nga dugay na nga wala kagawas sa ilang balay gikan sa pagkaguba sa iyang luma nga wheelchair.

“Dili naman ko nila maalsa kay bug-at naman ko, maong dako kaayong tabang ning bag-o nga wheelchair,” sulti ni Michael.

Dugang nii Michael nga dili na siya kayang alsahon sa iyang papa tungod gasakit na ang kamot ug kalawasan niini, mao nga dako kaayo ang tabang sa nahisgutang wheelchair kaniya.

Nagpasalamat usab si Michael sa tanang miyembro sa KaBrigdahan GenSan nga nagtinabangay aron nga makatabang sa mga naglisod nga miyembro sa programa.

Niadtong Miyerkules, Miyerkules, nakadawat usab og bag-ong wheelchair si Gloria Lenijan, 79-anyos nga taga Purok 20 Mateo Village nga benepisyaryo gihapon sa KaBrigadahan Gensan.

Usa ka tuig na nga dili makalakaw si Nanay Gloria human kalit kini na-stroke tungod sa iyang high blood. Nakadawat og brand new nga wheelchair si Nanay Gloria gumikan sa pagpangayog miscellaneous assistance sa iyang anak na si Maria Leni Lenijan sa KaBrigadahan Gensan ug hugot usab kining gipasalamatan sa nahisgutan ingon man sa mga miyembro.

Leave a Reply

Your email address will not be published. Required fields are marked *