LAING claimant sa area sa purok Saeg, Brgy.Calumpang ang mitumaw sama sa pamilya Impal.
Segun nilang Marites ug Rudy Impal nga ang ilang papa nga si Tarong Impal ang nanag-iya sa parte sa maong yuta sukad pa niadtong 1965.
Ang pamilya Habaluyas matud pa nga claimant usab sa maong luna ang gipagamit lang sa yuta subay sa kasabutan tali ni Tarong Impal.
Lakip usab sa claimants ang Buaya family nga may gipakita nga original certificate of title pinetsahan October 7, 1959 nga gi-isyu sa Land Registration Commission.
Gusto usab sa pamilya nga maimbestigahan nganong daghan na ang mga pangalan nga nanag-iya sa maong lugar.
Anaa na ang Onshore house of trading ug uban pang mga pamilya nga parehong may mga gipakita usab nga dokumento.
Sa karon, wala na gipapuy-an ang nasunogan nga parte sa luna.
Una na usab gibutyag sa City Housing Office nga ang maong lugar ang gipanag-iyahan sa heirs sa Habaluyas.