Laing pasahero sa gisakyan ni Bragas nga umbak, gipanawagan nga makig-alayon sa kapulisan

Gipanawagan ni Police Regional Office XI spokesperson Lt. Col. Atty. Eudisan Gultiano ang laing pasahero sa bao bao una paman misakay si Architect Vlanche Marie Bragas nga makig-alayon sa kapulisan.

Sumala pa ni Lt. Col. Atty. Gultiano nga ilang nasayran, una paman nakasay si Bragas sa Bao bao, duna kini laing pasahero nga nisakay gikan sa Teacher’s Village ug minaug sa Jolibee Calinan.

Pagnaug sumala pa sa maong pasahero, usa o duha ka minuto ang milabay, misakay sab ang biktima nga si Bragas sa maong umbak o bao-bao.

Duna sumala pay posibilidad nga ma-identify sa maong pasahero ang driver sa umbak nga dakong tabang aron nga maresolba ang maong krimen.

Gipasalig hinoon ni Gultiano nga pabiling confidential ang identification niini ugaling makig-alayon kini kanila. 

Una nang gibutyag sa SITG Bragas nga duna na silay giimbestigahan nga lima ka mga Persons of inetrest sa kamatayon sa batan-ong architect.

Leave a Reply

Your email address will not be published. Required fields are marked *