Lakas-CMD, inadopt si Marcos Jr. bilang presidential bet ng partido

Inadopt ng Lakas-CMD, na partido na binuo ni dating pangulong Fidel V. Ramos, ang anak ni dating pangulong Ferdinand Marcos bilang standard bearer ng partido para sa 2022 elections.

Ayon kay Davao City Mayor Sara Duterte-Carpio, nagpapasalamat si dating senador Ferdinand “Bongbong” Marcos, Jr. para sa pag-adopt sa kaniya ng partido.

Tiniyak aniya ni Marcos na handa itong makipagtrabaho kasama ang Lakas-CMD.

Mababatid na si Ramos, na founder ng Lakas-CMD, ang isa sa mga nanguna sa 1986 People Power Revolution na dahilan upang mapatalsik sa pwesto noon ang ama ni Marcos Jr.

Matapos ang mahigit 30 taon, ay pinamumunuan ngayon ni dating pangulong Gloria Macapagal Arroyo ang Lakas-CMD habang ang running mate naman ni Marcos na si Duterte-Carpio ang nagsisilbi bilang chair nito.

Leave a Reply

Your email address will not be published. Required fields are marked *