Arestado ang wala ginhinadlan nga lalaki matapos ginserbihan sang warrant of arrest sang mga kapulisan sa Brgy. Poblacion, Tapaz, Capiz takna alas 3:00 sang hapon, Sabado, Setyembre 16.
Nagapangatubang ang akusado sa kaso nga paglapas sa R.A. 7610 ukon Special Protection of Children Against Abuse, Exploitation and Discrimination Act.
Ginrekomendar sang korte ang P400,000 nga piyansa para sa iya temporaryo nga kahilwayan. Nagapabilin sa karon ang arestado sa kustodiya sang Tapaz Municipal Police Station para sa nagakaigo nga disposisyon.