Arestado ang isa ka lalaki matapos ginserbihan sang warrant of arrest sang mga kapulisan sa Brgy. Poblacion, Pilar, Capiz takna alas 10:36 kagab-i sang Martes, Setyembre 12.
Ginkilala ang akusado kay Zaldy Doce, 37-anyos, residente sang Brgy. Sta. Fe sa nasambit nga banwa.
Nagapangatubang sang kaso nga Reckless Imprudence resulting to Homeside and Damage to property si Doce.
Ang warrant of arrest ang gin-isyu kag ginpermahan ni Judge Kathlyn Rose Hitalia Baliatan, Municipal Trial Court, 6th Judicial Region, Miagao, Iloilo.
Ginrekomendar sang korte ang P30,000 nga piyansa para sa iya temporaryo nga kahilwayan. Sa karon, nagapabilin ini sa kustodiya sang Pilar PNP ang akusado para sa nagakaigo nga disposisyon. | Judy Ann Juare