LEGAZPI CITY – Arestado an sarong lalaki sa Cevallos St., Purok 5, Brgy. Ilawod kan Guinobatan, Albay huli sa kasong illegal possession of firearms and ammunitions.
Binisto ining si alyas โRoderickโ, 52 anyos, may agom asin residente kan kaparehong lugar.
Sa report kan mga otoridad, naarestar ini sa paagi kan search warrant operation para sa nasambit na kaso o an pagbalgar sa RA 10591 o Comprehensive Firearms and Ammunition Regulation Act kontra sa suspetsado na pinangenotan kan CIDG Albay PFU asin Guinobatan MPS.
Nakua saiya an sarong unit nin US Army COLT Caliber 45 pistol asin magazine na may 4 na bala para sa kaparehong kalibre.
An suspetsado kaibahan an mga ebidensya, dinara sa Albay PFU para sa dokumentasyon asin para sa magkakanigong disposisyon.