JOSE PANGANIBAN CAMARINES NORTE- Arestado ang isang 37 anyos na lalaki matapos na managa ng kainuman sa Purok 2, Barangay Dayhagan, Bayan ng Jose Panganiban
Ang biktima ay kinilalang si ALDWIN VILLAR y Maderal, 43 taong gulang, habang kinilala ang suspek na si PORFIRIO AGUA Jr y Escreza, 37 anyos
Ang mga nabanggit ay kapwa residente sa naturang lugar
Sa report ng pulisya, ang dalawa habang nag-i-inuman sa bahay ng kapatid ng biktima ay nagkaroon ng hindi pagkakaintindihan na naging dahilan upang ang suspek ay kumuha ng itak at doo’y pinagtataga ang biktima sa iba’t-ibang parte ng kanyang katawan.
Ang naturang biktima ay agad na sisinugod sa pinakamalapit na pagamutan para sa agarang lunas at kalaunan ay nilipat sa Camarines Norte Provincial Hospital.
Agad namang naaresto ang suspek sa pamamagitan ng ginawang follow-up operation ng Jose Panganiban MPS at kasalukuyang nasa kustodiya ng Jose Panganiban MPS para sa kaukulang disposisyon
