Wala pa maila sa kapolisan sa Quezon Bukidnon ang usa ka lalaki nga una nang napalgang wala nay kinabuhi kagahapon sa hapon diha sa brgy Lumintao Quezon Bukidnon.
Subay sa kapolisan adunay samad pinusilan sa ulo ang biktima, gibaklid ang kamot ug gigapos.
Gibana-banang nag-edad sa 40 ngadto sa 50-anyos ang biktima diin nakasuot kini ug dark blue nga t-shirt nga adunay marka sa atubanga, naka pantalon og faded blue.
Subay sa kapolisan nga nakadawat sila og taho mahitungod sa napalgang patayng lawas diin pag-abot sa area nakita nga hubo pa ang pantalon niini.
Gituohan sa kapolisan nga gipatay sa laing lugar ang maong lalaki ug didto gilabay sa maong dapit sanglit walay nakita nga baseyo sa armas sa area.
Sapagkakarun anaa ang patayng lawas sa biktima sa usa ka punerarya sa longsud Quezon Bukidnon.