Patay ang usa ka indibidwal nga napuno kini ug tinadtaran sa tanang parte sa kalawasan human nga gitigbas ning milabayng adlaw alas 5:20 ang takna sa hapon sa may Purok-4 Sunkist, Brgy Del Monte sakop sa lungsod sa Veruela lalawigan sa Agusan del Sur.
Biktima giila sa pangalang Rodrigo Fernandez Aseñero, 34 anyos, minyo, mag-uuma ug residente sa Purok-4 Sunkist, Brgy Del Monte sa gikabutyag nga lungsod.
Sumala pa ni Police Lieutenant Allan Badajos ang hepe sa Veruela Municipal Police Station nga base sa ilang nahimong imbestigasyon nga samtang ang biktima nagkaon ug panihapon kalit lamang nga dunay milugwa sa likod nga bahin sa ilang panimalay dayon tigbas sa maka daghang higayon nga miresulta sa iyang hinanaling kamatayon, gikumpirma usab niini nga membro kini sa grupong bagani sa may brgy. Del Monte.
Sa pagkakaron padayon gihapon ang ilang pagpahigayon ug lawom nga imbestigasyon aron masuta kung kinsa ang suspetsado nga mihimo sa ngilngig nga krimen human nga midagan sa wala matino nga direksyon.
