Lalaki kalaboso matapos maaktuhang naglilibing ng fetus

Sa kulungan ang bagsak ng isang lalaki sa Quezon City matapos itong maaktuhan naglilibing ng fetus sa isang madilim na bahagi ng Barangay Greater Lagro kagabi.

Ayon sa report saktong nagroronda ang mga taga-QC Task Force Disiplina kagabi ng makita ang suspek sa isang bakanteng lote at bitbit ang isang plastic.

Naghinala umano ang grupo kaya agad sinisayasat ang bitbit na supot ng lalaki na dumayo pa sa Quezon City pero ito ay residente ng Caloocan.

Dito na tumambad ang fetus na hinihinalang nasa anim hangang pitong buwan na.

Napag-alaman na mula sa 14-anyos nitong anak-anakan ang fetus at ang masaklap pa ay siya mismo ang ama nito.

Nabatid din na nasa abroad ang ina ng dalagita.

Nakatakda namang sampahan ang suspek ng reklamong intentional abortion at ngayon ay nasa kustodiya na ng Caloocan Police.

Leave a Reply

Your email address will not be published. Required fields are marked *