Daling girespondehan sa buhatan sa CDRRMO, ang usa ka lalaki nga na kuryentehan sa iyang gitrabahoan kaniadtong Hunyo 1 2021 banda alas 11:45 sa buntag.
Matud ni Lord Vincent Jimenez ang LDRMMO 2 sa nasangpit nga buhatan, nga nakadawat sila og tawag gikan sa concern citizens mahitungod sa nahitabong pagkuryente sa usa ka trabahante sa Salse Junk Shop, nga anaa nahimutang sa Purok-3 Upper Loboc sakop ning syudad sa Oroquieta.
Daling girespondehan sa buhatan og wala ray 3 minutos nakaabot na kini sa nasangpit nga Shop.
Gisaysay niya nga tungod sa pag-padayon sa ulan, og nabasa ang maong area sa junk shop, og ang mga kagamitan sa nasangpit nagpasad, halos puro bakal og uban pa anaa nahimutang sa salog og nagkagubot ang mga wire og nigrown kini kay medyo basa ang salog og maoy hinungdan sa iyang pagkakuryente.
Apan dako ang pasalamat ni Jimenez, kay dili ra kaayo grabe ang nahitabo sa maong biktima, tungod kay dali-dali usab gipalong ang plangka sa mga kauban niini og wala na kini nadala sa balay tambalanan.( Sam Tizon)