Lalaki, nakuhaan sang 10 gramos sang suspected shabu sa Dumalag

Nakuhaan ang isa ka lalaki sang iligal nga droga matapos ginserbihan sang search warrant sa Barangay Sto. Angel, Dumalag, Capiz.

Ginkilala ang akusado kay Jonel Tupaz, yara sa legal nga pang-edaron, kag residente sa nasambit nga Barangay.

Narekober sa paghinakop ni Tupaz ang 12 tanan ka sachets sang shabu, nagabug-at sang 10gramos kag may market value nga P68,000.00, (1) pouch, kag (1) ka disposable lighter.

Ang search warrant gin-isyu ni Hon. Judith D. Orendain-Tonogbanua, Executive Judge, RTC Branch 20, Mambusao,Capiz napetsahan Mayo 16,2023.

Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 si Tupaz.

Sa karon, nagapabilin ini sa kostudiya sang Dumalag MPS para sa nagakaigo nga disposisyon.| KMD Gicalde

Leave a Reply

Your email address will not be published. Required fields are marked *