Arestado ang isa ka 22-anyos nga lalaki matapos ginserbihan sang warrant of arrest sang mga kapulisan sa Billon Street, City proper, Iloilo takna ala 1:00 subong nga hapon sang Dominggo, Setyembre 17.
Ginkilala ang akusado kay Janver Durana Castillo, residente sang Sitio Proper, Brgy. Bungsuan, Dumarao, Capiz.
Nagapangatubang sang kaso nga Frustrated Murder si Castillo.
Ang warrant of arrest ang gin-isyu kag ginpermahan ni Judge Allene Torres Peña, Regional Trial Court, 3rd Judicial Region, Branch 110, Tarlac City napetsahan Agosto 30, 2023.
Ginrekomendar sang korte ang piyansa nga P200,000 para sa temporaryo nga kahilwayan sang akusado.
Sa karon, yara na sa kustodiya sang Dumarao PNP si Castillo para sa nagakaigo nga disposisyon. | Judy Ann Juare