Dakop ang 25-anyos nga kawatan matapos nga naglumpat sa suba sang nagpalagyo sa Teodoro Arcenas Trade Center (TATC).
Ginkilala ang suspek nga si Rolando Molabola kag residente sang Barangay Inzo, Roxas City.
Sandig sa imbestigasyon sang Roxas Component City Police Station, gintaban sang suspek ang cellphone sang estudyante nga si Kaizer Rommel Alba 21-anyos nga yara sa sulod sang iya backpack.
Ginapahayag nga nabatyagan pa ni Alba ang pagbukas sang iya bag kag nakit-an ang suspek nga bitbit na ang iya cellphone kag madasig nga nagapalagyo.
Ginlagas sang mga barkada ni Alba ang kawatan kag nagpangayo sang bulig sa mga tawo sa lugar.
Bangud wala na sang palagyuhan ukon panaguan ang suspek, naglumpat nalang ini sa suba sa pagpati nga indi madakpan.
Nag-angkon sang pilas sa lawas si Molabola sa paglumpat sa suba nga gilayon gindapatan sang pagbulong kag ginpadangat sa ospital. | Judy Ann Juare