SIKOP ang usa ka lalaki human gipatuman sa kapulisan ang pagsilbi og warrant of arrest sa kasong pagpanglugos.
Naila ang dinakpan kang alyas Francis, 36-anyos, minyo, residente sa Barangay New Pangasinan, Koronadal City. Nadakpan kini alas 3:30 hapon niadtong Mayo 16 sa General Santos City International Airport. Gitudlo ang dinakpan nga most wanted person tungod sa giatubang nga kaso. Nanguna sa maong operasyon ang sakop sa Koronadal City Police station ug mitabang ang taga Aviation Security Group ug Regional Intelligence Division 12.
Naa karon sa kustodiya sa Koronadal City Police station ang nahisgotang dinakpan. Matud sa kapulisan padayon nilang gukdon ang mga indibidwal nga lambigit sa dili mayong buluhaton kini aron mamintinar ang kalinaw sa komunidad. I Enamie Mogpon