Arestado ang isa ka lalaki nga top 2 most wanted person sa syudad sang Roxas matapos ginserbehan sang warrant of arrest sang mga kapulisan sa Phil. Railway St., Brgy XI, Roxas City.
Ginkilala ang naaresto kay Arvin Arocena Asis, 39-anyos kag residente sang nasambit nga lugar.
Nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 (Article II, Section 11) si Asis.
Ang warrant of arrest ang gin-isyu kag ginpirmahan ni Hon. Faustino Valenzuela Roxas, Acting Presiding Judge of Regional Trial Court, 6th Judicial Region, Branch 18, Roxas City, Capiz napetsahan Mayo 11, 2023.
Ginrekomendar sang korte ang P200,000 para sa temporary nga kahilwayan sang akusado.
Sa karon, yara ini sa kustodiya sang Roxas City PNP para sa nagakaigo nga disposisyon. | Judy Ann Juare