Sugatan ang isang 21-anyos na lalaki matapos itong pagsasaksakin ng kanyang nakaalitan sa Barangay Malabanban Sur, Candelaria, Quezon nitong Miyerkules, Hunyo 26.
Sa inisyal na imbestigasyon ng mga awtoridad, nasa labas umano noon ng kanyang bahay ang biktima nang dumating ang suspek at nagkaroon sila ng pagtatalo kung saan nauwi ito sa pananaksak.
Samantala, isinugod naman sa hospital ang biktima para malapatan ng lunas habang ang suspek ay naaresto ng mga awtoridad.
Sa ngayon, inihahanda na ang kaukulang reklamong Frustrated Homicide laban sa suspek.