Lalaki sa singapore, ginamit ang 9 na aircon nang sabay-sabay, inireklamo ng kapitbahay

Inireklamo ng mga kapitbahay ang isang lalaki sa Singapore dahil pinag sabay- sabay nitong pinaandar o ginamit ang siyam na air conditioner sa maliit na aparment.

Kinilala ang lalaki na si Huang, 63 anyos na napag-alaman na 24/7 na pinaandar ang aircon sa kanyang apartment sa Sengkang na nagresulta na condensation ng buong apartment kung saan nagkaroon ng black mld ang mga katabing unit.

Dahil sa condensation o pagtutubig ay kinailangan ng isang tenant na maglampaso ng kanilang sahig sa itaas ng pwesto kung saan ang kwarto ni Huang.

Nangamba rin ang iba pang mga katabi sa building dahil ang mga namuong black  mold sa dingding at sa kisame ay posibleng maging panganib sa kalusugan.

Nang makapanayam si Huang, natuklasan na mayroon siyang limang aircon sa living room, dalawa sa master’s bedroom at tig-isa sa tatlong iba pang kwarto.

Paliwanag niya, ang pagpapalamig sa kanyang kwarto ay malaking tulong sa kanyang immunity matapos siyang magkaroon ng liver cancer.

Samantala, bunsod ng maraming nagreklamo kay Huang ay umalis na lamang siya ng apartment noong ika- 17 ng Sityembre.