SIKOP sa Anti-illegal Drugs Operation sa PDEA kon Philippine Drug Enforcement Agency ug RDEU9 kon Regional Drug Enforcement Unit ang usa ka lalaki nga si Acmad Antiquina Butawan, 37 anyos, minyo, usa ka driver ug residente sa Purok 13, Barangay Poblacion, Buug, Zamboanga Sibugay. Natigayon ang maong operasyon sa may alas onse (11) sa buntag karong adlawa Septyembre 10, 2021 sa Purok Bougainvillea, San Jose District, Pagadian City, Zamboanga Del Sur.
Narekuber sa mga otoridad ang usa (1) ka small heat-sealed transparent plastic sachet, duha (2) ka medium heat-sealed transparent plastic sachet ug anaa usab salin usa (1) ka gamay’ng sachet nga adunay sulod nga white crystalline substance nga gituohan usab nga shabu. Ang maong mga illegal nga druga adunay estimated DDB value nga Php 68, 000.00 adunay gimbug-aton nga MOL 10 grams.
Lakip sa narekuber ang usa (1) ka unit cellular phone, alluminum strips nga adunay improvised glass tooter, usa (1) ka pack black face mask nga gituohang gisudlan sa illegal nga druga, usa ka (1) black/blue eye glass case; ug usa (1) ka One Thousand Peso Bill ( Php 1000.00) nga adunay serial numbers CF755285 nga gigamit isip Buy-bust money.
Ang maong dinakpan anaa Karun sa pagkustodiya sa PDEA ug RDEU9 samtang nagpaabot sa kasong ipasaka ngadto sa korte.
Samtang ang mga narekuber nga mga gituohang illegal nga druga ug ebidensya mao ang gidala sa ZSPPO Crime Laboratory alang sa dugang imbestigasyon.
