TINGKAGOL sa prisohan ang usa ka lalaki sa paglapas sa RA. 10591, mas naila sa tawag nga Comprehensive Firearms and Ammunition Regulation Act, o paggamit sa dili lisensiyadong armas, nga nahitabo kaganina sa may alas 6:30 sa buntag, Mayo 28, sa may Purok 1, Brgy. Paypayan, Oroquieta City, Misamis Occidental.
Giila ang suspetsado nga si Aldrin Labad Yap, residente sa naasoy nga lugar.
Nadakpan ang suspek pinaagi sa paglungsad ug OPLAN PAGLALANSAG OMEGA ug SALIKOP kalabot sa CIDG SACLEO, nga gipangunahan sa Detectives of CIDG Misamis Occidental PFU, inubanan sa Oroquieta Maritime Police Precint, Provincial Intelligence Unit (PIU) Misamis Occidental, 1st PMFC and PHPT Mis Occ.
Ug sa giisyung Search Warrant No. 13-2021 ni HON. NORA B. MONTEJO, Executive Judge, RTC, 10th Judicial Region, Oroquieta City, Misamis Occidental for Violation of RA 10591 pinitsahan kaniadtong May 27, 2021.
Nakumpiska gikan sa suspetsado ang usa (1) ka yunit nga improvised Shotgun nga walay serial number, usa (1) ka kalibre .45 nga pistola nga adunay serial number 1221318, duha (2) ka mga yunit cal.38 revolver nga wala’y serial number, usa (1) Magasin sa 12 Gauge Shotgun, unom (6) kabuok bala sa 12 gauge shotgun, trese (13) kabuok bala sa Cal. 45, usa (1) usa ka plastic case, usa (1) ka steel magazine sa Cal. 45, duha (2) kabala sa Cal. 38, usa (1) ka itom nga puntil, usa (1) ka kahon nga metal nga adunay taklob, duha (2) kabala sa Cal. 30, pito (7) kabala sa Cal. 5.56mm, ug usa (1) kabala sa Cal 22.
Ang suspetsado usa ka bag-ong naila nga myembro sa YAP CG (DI Non Listed), nga may kalabutan sa gun running, gun for hire ug iligal nga sugal nga naglihok sa Lungsod sa Oroquieta ug kasilinganang mga Lungsod sa Misamis Occidental.
Ang suspetsado u gang mga nakumpiska nga ebidensya gidala sa CIDG Misamis Occidental PFU Office, alang sa tukma nga dokumentasyon, samtang giandam ang kaso alang sa Paglapas sa RA 10591.